«Ливерпуль»нинг 23 ёшли ҳужумкор ярим ҳимоячиси Флориан Вирц Хаби Алонсонинг истагига қарамай, Лондоннинг «Челси» клубига ўтмайди. Бу ҳақда TEAMtalk хабар бермоқда.

Манбага кўра, Алонсо Леверкузеннинг «Байер» клубида бирга ишлаганидан бери Вирцнинг катта мухлиси ҳисобланади. Бироқ «Ливерпуль» германиялик футболчини 125 миллион евро эвазига сотиб олганидан бир йил ўтибоқ уни сотиш ниятида эмас.

Ўтган мавсумда Вирц барча мусобақаларда 49 та ўйинда майдонга тушиб, 7 та гол урди ва 10 та голли узатмага муаллифлик қилди. Вирцнинг мерсисайдликлар билан амалдаги шартномаси 2030 йилнинг июнига қадар мўлжалланган.