Антонио Контенинг «Наполи»даги собиқ ёрдамчиси Кристиан Стеллини ярим ҳимоячи Кевин де Брёйненинг клубга бўлган муносабатини танқид қилди. Бунга бельгиялик футболчининг яқинда бош мураббий Антонио Контенинг кетишидан хурсанд эканлиги ҳақидаги фикрлари сабаб бўлди.
«Эҳтимол, натижадан кўра эстетика ҳақида кўпроқ ўйлайдиган 33 ёшли тажрибали ўйинчилар билан шартнома имзолашдан маъно йўқдир.
Агар шундай футболчилар Италияга келишса, улар «Наполи»да иштиёқ ва қувонч билан ўйнаб, намуна кўрсатишлари лозим. Де Брёйне эса на қувонч, на иштиёқ кўрсатди. Модричнинг «Милан»даги прагматик услубга қандай мослашгани мени ҳайратда қолдирди. У ҳеч қачон раҳбарият ёки мураббийни танқид қилмаган», — деди у Corriere dello Sport нашрига берган интервьюсида.
Мураббийлар штаби ва жамоа ўйин услубидаги эҳтимолий ўзгаришлар фонида ярим ҳимоячининг «Наполи»даги келажаги ҳозирча ноаниқ бўлиб қолмоқда.
