Массимилиано Аллегрининг истеъфоси Майк Меньяннинг клубдаги келажагини сўроқ остида қолдирмоқда. Ўтган йили франциялик дарвозабонни жамоада қолишга кўндириш фақатгина Аллегри келганидан кейин имконли бўлган эди. Эндиликда «Милан» А Сериядаги беш йиллик фаолиятидан сўнг Майкнинг кетишига тайёр турибди.
Ҳаттоки унга муносиб номзод ҳам танлаб қўйилган — бу Германиянинг «Фрайбург» клуби посбони Ноа Атуболу.
Pianetamilan.it нашрининг аниқлик киритишича, агар клуб спорт директори лавозимини кутилганидек австриялик мутахассис Ральф Рангник эгалласа, Атуболунинг трансфери амалга ошиши мумкин.
