"Реал Мадрид" ва "Барселона" академиялари икки истиқболли "Депортиво" битирувчиси билан мустаҳкамланиши мумкин.
Мадрид клуби Рауль Лема билан шартнома имзолашга яқин, каталонияликлар эса Гаэль Сейхони сотиб олишга қизиқиш билдирмоқда.
Иккала футболчи ҳам "Депортиво" академиясининг энг иқтидорли футболчиларидан бири ҳисобланади ва Испания ёшлар терма жамоаларида ўйнайди.
2010 йилда туғилган Лема чап қанот ярим ҳимоячиси сифатида ўйнайди. Ёшига қарамай, у аллақачон "Депортиво" сафида ўсмирлар дивизионида (División de Honor Juvenil) дебют қилган. Испания оммавий ахборот воситаларининг хабар беришича, у шу ёзда "Реал Мадрид" академиясига қўшилади ва оиласи билан Мадридга кўчиб ўтади.
2011 йилда туғилган Сейхо марказий ҳимояда ҳам, ҳимоя ярим ҳимоясида ҳам ўйнашга қодир. "Барселона"дан ташқари, унга "Реал Мадрид" ва "Атлетико Мадрид" ҳам қизиқиш билдиримоқда.
"Депортиво" академияси раҳбарияти иккала футболчини ҳам сақлаб қолишга ҳаракат қилди. Хусусан, клуб Лемага янги шартлар таклиф қилди, аммо томонлар келишувга эриша олмадилар.
