«Челси»нинг 27 ёшли чап қанот ҳимоячиси Марк Кукурелья клубни тарк этишга тайёр. Испаниялик футболчининг инглиз клуби билан амалдаги шартномаси 2028 йилнинг 30 июнига қадар мўлжалланган.

Таъкидланишича, агар таклиф футболчининг трансфер қийматига мос келса, лондонликлар унинг кетишига қаршилик кўрсатмайди. Бир қатор жамоалар Кукурелья атрофидаги вазиятдан хабардор ва уни диққат билан кузатиб боришмоқда. Улар орасида «Барселона» ва «Атлетико» ҳам бор.

Шунингдек, «Манчестер Сити»ни бошқариши эҳтимоли юқори бўлган Энцо Мареска ёзги трансферлар ойнасида қанот ҳимоячиси позициясини кучайтиришдан манфаатдор экани хабар қилинмоқда.

Ўтган мавсумда Кукурелья АПЛда 34 та ўйин ўтказиб, 1 та гол урди ва 4 та голли узатмани амалга оширди.