Чемпионлар лигасининг «ПСЖ» ва «Арсенал» ўртасидаги финал баҳсини германиялик ҳакам Даниэль Зиберт бошқариб борди. Немис ҳаками ишончли ва дадил ҳаракат қилди — масалан, у биринчи бўлим тугаши арафасида «канонирлар»га бурчак зарбасини амалга оширишга рухсат бермади, чунки лондонликлар унга жуда узоқ тайёргарлик кўришган эди.
The Touchline нашрига маълум бўлишича, УЕФА Даниэль Зибертнинг финалдаги ишидан жуда мамнун. Ҳакамга яқин бўлган манбаларнинг таъкидлашича, УЕФА ичида унинг чиқиши Чемпионлар лигаси финаллари тарихидаги энг яхши ҳакамлик ишларидан бири сифатида эътироф этилмоқда.
Шу билан бирга, ФИФА Даниэль Зибертнинг 2026 йилги жаҳон чемпионати ҳакамлари рўйхатида йўқлигидан ҳайратда эканлиги қайд этилмоқда.
