Криштиану Роналду жаҳон чемпионатига тайёргарлик кўриш учун Португалия терма жамоаси ихтиёрига етиб келди.
Душанба куни Роберто Мартинес бошчилигидаги жамоа ЖЧ-2026 олдидан ўқув-машғулот йиғинини бошлади. 41 ёшли ҳужумчи ижтимоий тармоқларда сурат жойлаштириб, терма жамоа қароргоҳига етиб келганини маълум қилди.
«Мундиал» миссияси бошланди!» — деб ёзди Роналду.
ЖЧ-2026 11 июндан 19 июлгача АҚШ, Канада ва Мексикада бўлиб ўтади. Гуруҳ босқичида Португалия терма жамоаси Конго ДР, Ўзбекистон ва Колумбия жамоаларига қарши баҳс олиб боради.













