«Бавария» ва Англия терма жамоаси ҳужумчиси Харри Кейн 2025/26 йилги мавсум якунлари бўйича «Олтин тўп»ни ютиш имкониятлари ҳақида фикр билдирди.
«Мен шубҳасиз «Олтин тўп»га асосий даъвогарлар қаторидаман. Агар Англия терма жамоаси Жаҳон чемпионатида ғолиб чиқса, табиийки, уни англиялик футболчи қўлга киритишини тасаввур қилиш мумкин», — дея Кейннинг сўзларидан иқтибос келтиради The Touchline.
Футболчи бу йилги маросим Лондонда ўтишини таъкидлади. Унинг фикрича, бу ҳолат у учун яхши аломат бўлиши мумкин. «Туғилган шаҳримда «Олтин тўп»ни ютиш янада алоҳида аҳамият касб этган бўларди», — дея таъкидлади ҳужумчи.
2026 йилги Жаҳон чемпионатида Англия терма жамоаси L гуруҳида Гана, Панама ва Хорватия терма жамоалари билан куч синашади.
