«Ювентус» янги дарвозабон излашни давом эттирмоқда ва бир йўла икки номзодни кўриб чиқмоқда. Sky Sport Italia хабарига кўра, Турин клуби «Астон Вилла» посбони Эмилиано Мартинес ва «Тоттенхэм» дарвозабони Гульельмо Викариога қизиқиш билдирмоқда.
Манбага кўра, «кекса синьора» раҳбарияти аввалроқ «Ливерпуль»дан Алиссонни қўлга киритишга уриниб кўрмоқчи бўлган, бироқ инглиз клуби ўз асосий дарвозабонини қўйиб юбориш ниятида эмас.
Мартинес ўтган мавсумда «Астон Вилла»га Европа лигасида ғолиб чиқишга ёрдам берди, Викарио эса мавсум охирининг бир қисмини жароҳат сабабли ўтказиб юборди. Эслатиб ўтамиз, «Ювентус» мавсумни А Серияда олтинчи ўринда якунлади.
