Ҳужумчи Эли Жуниор Крупи ўз фаолиятини давом эттириш учун «ПСЖ»ни устувор вариант сифатида кўрмоқда. Бу ҳақда журналист Санти Ауна хабар бермоқда. Париж клуби ёш ҳужумчига қизиқиш билдирмоқда, бироқ битимни расмийлаштириш осон бўлмайди. Таъкидланишича, бир нечта Европа грандлари футболчининг трансфери бўйича ишларни бир неча ой олдин бошлаб юборган, «ПСЖ» эса курашга нисбатан кечроқ қўшилди.

Бундан ташқари, молиявий томон жиддий тўсиқ бўлиши мумкин. «Борнмут» ўз ўйинчиси учун 100 миллион еврога яқин маблағ ишлаб олишни режалаштираётгани хабар қилинмоқда. АПЛнинг ўтган мавсумида Крупи 33 та ўйинда 13 та гол урди. Унинг бозор қиймати 40 миллион еврога баҳоланмоқда.