«Челси» ҳимоячиси Марк Кукурелья Мадриднинг «Атлетико» клуби учун трансфердаги асосий мақсадлардан бири бўлиб қолмоқда. Бу ҳақда журналист Бен Жейкобс хабар берди.
Испания клуби раҳбарияти футболчини ўз сафига қўшиб олишдан манфаатдор, бироқ улар битимни 50 миллион евродан камроқ суммага расмийлаштиришни режалаштирмоқда.
Шу билан бирга, Лондон клубининг позицияси анча қатъий. Кутилишича, «Челси» музокараларни 70 миллион евро атрофидаги нархдан бошлайди ва мудофаа чизиғидаги асосий ўйинчиларидан бирини арзон нархда қўйиб юбормоқчи эмас.
Ўтган мавсумда футболчи АПЛда 34 та ўйинда майдонга тушиб, бешта гол ва голли узатма (гол+пас) муаллифига айланди. Унинг клуб билан шартномаси 2029 йил ўрталаригача амал қилади, бозор қиймати эса 50 миллион еврога баҳоланмоқда.
