«Ливерпуль» мавсум олди тайёргарлик доирасида «Монако» ва «Комо» жамоаларига қарши ўз майдонида иккита ўртоқлик учрашувини ўтказади, деб хабар берди клуб матбуот хизмати.
9 август куни «Монако» билан назорат ўйини бўлиб ўтади. Учрашув Тошкент вақти билан соат 18:30 га белгиланган.
16 август куни эса «Ливерпуль» «Комо» билан куч синашади. Ўйин Тошкент вақти билан соат 22:00 да бошланади.
Иккала учрашув ҳам «қизиллар»нинг уй стадиони — «Энфилд»да бўлиб ўтади.
2025/26 йилги мавсумда «Ливерпуль» 60 очко жамғариб, АПЛ турнир жадвалида бешинчи ўринни эгаллади. 30 май куни клуб Арне Слот бош мураббийлик лавозимидан истеъфога чиқарилганини эълон қилган эди.
