«Лестер» вингери Жереми Монга Лондоннинг «Арсенал» клубига ўтиши мумкин. Журналист Бен Джейкобснинг хабар беришича, «канонирлар» 16 ёшли иқтидорли футболчи борасида аллақачон музокараларни бошлаб юборган.

Бироқ, бу трансферни амалга ошириш осон кечмайди: «тулкилар» аллақачон ўз ўйинчиси учун Англия ва хорижнинг топ-клубларидан саккизта таклиф олиб улгурган.

Потенциал трансфер қиймати 10 миллион фунт стерлингдан (тахминан 11,5 миллион евро) кўпроқни ташкил қилиши мумкин.

Жереми Монга ўтган мавсумда «Лестер» сафида 30 та ўйинда майдонга тушиб, битта гол ва иккита голли узатма муаллифига айланди. Эслатиб ўтамиз, «Лестер» ўтган мавсумни 23-ўринда якунлаб, Чемпионшипни тарк этган эди.