Аргентина терма жамоаси бош мураббийи Лионель Скалони ўз фаолиятидаги олтинчи Жаҳон чемпионатига тайёргарлик кўраётган Лионель Месси ҳақида фикр билдирди. «Интер Майами» ҳужумчиси «албиселесте»нинг мундиал учун якуний таркибига киритилди. Эслатиб ўтамиз, аргентиналиклар 17 июнь куни гуруҳ босқичининг биринчи турида Жазоир терма жамоасига қарши майдонга тушади.

«Мессининг атрофдагиларга таъсирини сўз билан тушунтириш қийин. Мен бу ҳақда бир соатлаб гапиришим мумкин, аммо буни тушуниш учун ўз кўзингиз билан кўришингиз керак. У кийиниш хонасига ёки залга кирганда ҳосил бўладиган энергетика – бу жуда ноёб нарса», — дея Скалонининг сўзларини келтиради «Diario Ole».

Қайд этиш жоизки, 24 июнь куни Лионель Месси 39 ёшга тўлади.