Италиянинг «Милан» клуби бош мураббийлик лавозимига Арне Слотни таклиф қилиш вариантини кўриб чиқмоқда. Бу ҳақда нуфузли журналист Жанлука ди Марцио ҳам тасдиқлади. Унинг сўзларига кўра, Слотга клуб уни эҳтимолий мураббий сифатида кўраётгани ҳақидаги ғоя аллақачон етказилган. Аввалроқ мутахассис Англиянинг «Ливерпуль» клубидан истеъфога чиқарилган эди.
«Менимча, «Милан» бу вариантни у билан аллақачон муҳокама қилмоқда. Савол шундаки, Слот дарҳол ишга киришишга тайёрми ёки бироз кутиб, танаффус олмоқчими», — дея ди Марциодан иқтибос келтиради «pianetamilan.it».
Эслатиб ўтамиз, «Милан» ўтган мавсумни Италия чемпионати турнир жадвалида атиги бешинчи ўринда якунлаган эди.
