«Атлетико» «ПСЖ» иқтидорли ярим ҳимоячисига қизиқишда давом этмоқда.

Fichajes нашрининг хабар беришича, «матрасчилар» раҳбарияти ёзги трансфер ойнасида Ли Кан Инни ўз сафига қўшиб олмоқчи. Футболчи кўпроқ ўйин амалиётига эга бўлиш учун Франция грандини тарк этишга тайёр.

Унинг «ПСЖ» билан амалдаги шартномаси 2028 йилнинг июнь ойи охиригача мўлжалланган.

Маълумот учун, Ли Кан Ин жорий мавсумда «ПСЖ» сафида барча турнирларда 39 та ўйинда майдонга тушиб, 4 та гол урди ва 5 та голли узатмани амалга оширди. Унинг Transfermarkt сайтидаги трансфер қиймати 28 миллион еврога баҳоланмоқда.