Испания терма жамоаси ва Каталониянинг «Барселона» клуби ярим ҳимоячиси Фермин Лопес фаолиятини бошқа Европа чемпионатида давом эттириши мумкин, деб хабар бермоқда «El Nacional».
Журналистларнинг маълумотига кўра, испаниялик хавбекнинг трансферига Чемпионлар лигасининг амалдаги ғолиби — Франциянинг «ПСЖ» клуби қизиқиш билдирмоқда. Париж гранди раҳбарияти ёзги трансфер ойнасида футболчини ўз сафига қўшиб олишга уриниб кўради. Битим жаҳон чемпионати-2026 якунланганидан сўнг расмийлаштирилиши мумкин.
23 ёшли ярим ҳимоячининг «кўк-анорранглилар» билан тузган меҳнат шартномаси 2031 йил июнь ойи охиригача амал қилади. Лопеснинг трансфер қиймати 100 миллион еврога баҳоланмоқда.
