«Transfermarkt» портали талқинига кўра, Лондоннинг «Арсенал» клуби футболчиси Вильям Салиба жаҳон футболидаги энг қиммат марказий ҳимоячига айланди. Нуфузли портал экспертлари франциялик футболчининг янгиланган трансфер қийматини 100 миллион еврога баҳолади.
«Канонирлар» ҳимоя қўрғони етакчиси шу тариқа тарихда бу маррага етишган иккинчи марказий ҳимоячи бўлди. Бундай нархга биринчи бўлиб, 2019 йилда «Ливерпуль»нинг амалдаги сардори Виргил ван Дейк эришган эди.
Вильям Салиба «Арсенал»га 22 йил ичида биринчи марта Премьер-лигада ғолиб чиқишга ёрдам берди. 25 ёшли футболчи якунланган мавсумда Микель Артета жамоаси сафида 50 та ўйин ўтказиб, биттадан гол ва голли узатма муаллифига айланди.
