«Реал Сосьедад» вингери Андер Барренечеа фаолиятини Англия Премьер-лигасида давом эттириши мумкин. Бу ҳақда журналист Экрем Конур хабар бермоқда.

Манба берган маълумотларга кўра, бир йўла учта инглиз клуби 24 ёшли испаниялик футболчининг ҳаракатларини диққат билан кузатиб бормоқда. Гап «Арсенал», «Тоттенхэм» ва «Астон Вилла» клублари ҳақида кетмоқда.

Ҳозирги вақтда «канонирлар» футболчи учун тахминан 30 миллион евро атрофидаги дастлабки таклифни тайёрлашмоқда, бироқ вингернинг шартномасида кўрсатилган 75 миллион евролик товон пули ушбу трансфер учун жиддий тўсиқ бўлиши мумкин.

Якунланган мавсумда Барренечеа барча мусобақаларда жами 34 та учрашувда майдонга тушиб, ўз ҳисобига 4 та гол ва 5 та голли узатмани ёздириб қўйди.