«Брентфорд» клуби «Кёльн»нинг германиялик вингери Саид Эль-Мала трансферини расмийлаштиришга жуда яқин келди. «Bild» нашри берган маълумотларга кўра, музокаралар ҳал қилувчи босқичга чиққан ва трансфер шу дам олиш кунларидаёқ эълон қилиниши мумкин.
«Кёльн» спорт директори Томас Кесслер Лондон клубининг 50 миллион евролик (45 миллион евро нақд + бонуслар ва кейинги сотувдан 15 фоиз улуш ҳуқуқи) таклифини қабул қилишга рози бўлди. Ушбу келишув Германия клуби тарихидаги энг қиммат сотувга айланади.
Ортда қолган мавсумда Эль-Мала Бундеслиганинг 34 та учрашувида майдонга тушиб, 13 та гол урди ва 4 та голли узатмани амалга оширди. Футболчининг АПЛ клуби билан шартномаси 2030 йилга қадар мўлжалланади ва унга кўра футболчи йилига 4 миллион евродан ортиқ маош олади.
