«Барселона» Ансу Фатини келажакда ортга қайтариб олиш имкониятини сақлаб қолмоқчи.
Аввалроқ, «Монако» вингерни 11 миллион еврога сотиб олмоқчи экани ва футболчининг ўзи билан келишувга эришгани ҳақида хабар берилган эди. Бироқ «блауграна» шартномага ўз тарбияланувчисини қайта сотиб олиш опциясини ёки ҳеч бўлмаганда кейинги сотувдан маълум бир фоиз олиш бандини киритмоқчи бўлаётгани сабабли трансфер ишлари ҳали якунига етказилгани йўқ.
Қайд этилишича, «Барселона» монегасклар Фатини нисбатан арзон гаровга сотиб олиб, кейинчалик уни каталонияликларнинг рақобатчиларига қимматга пуллашини хоҳламаяпти.
Трансфер кечикаётганининг яна бир эҳтимолий сабаби — Испания чемпионлари футболчи учун бошқа клублардан бундан ҳам йирикроқ таклиф тушишидан умид қилмоқда.
