«Борнмут» клуби ярим ҳимоячиси Алекс Скотт мураббий Андони Ираоланинг «Ливерпуль»га тайинлангани ҳақида ўз фикрларини билдирди. Испаниялик мутахассис уч йил давомида «олчалар»ни бошқариб келди, янги мавсумдан эса «Энфилд»да иш бошлайди.
«Андони — ажойиб мураббий. Унинг қўл остида уч йил ичида қандай натижаларга эришганимизга, қанчалик ўсишга эришганимизга бир қаранг. Биз жуда юқори интенсивликда прессинг уюштирардик — бу Клопп давридаги дастлабки «Ливерпуль»га ўхшаб кетарди. «Ливерпуль» мухлислари бу тайинловдан шубҳасиз ҳайратда бўлишлари (катта қувонч туйишлари) керак. Ираолада янада юқорироқ даражада муваффақият қозониш ва топ-мураббий мақомини мустаҳкамлаш учун барча фазилатлар мавжуд», — дея инглиз ОАВлари Скоттнинг сўзларини келтирмоқда.
Мерсисайдликлар бошқарувида Ираола истеъфога чиқарилган Арне Слотнинг ўрнини эгаллади.
