Франция терма жамоаси ўртоқлик учрашувида Кот-д'Ивуар миллий терма жамоаси билан куч синашди. Унда «учранглилар» кутилмаганда 1:2 ҳисобида мағлубиятга учрашди. Ушбу натижа ҳақида бош жамоа бош мураббийи Дидье Дешам ўз фикрларини билдирди.

«Бундай муваффақиятсизликдан кейин ижобий ҳиссиётлар кам, албатта. Ваҳоланки, биринчи бўлимда бизда яхши ўйин намойиш этилган вазиятлар бўлганди. Танаффусдан кейин эса ишимиз қийинлашди, амалга оширилган алмаштиришлар ҳам ёрдам бермади. Бунинг учун ҳеч қандай баҳона бўлиши мумкин эмас. Африка жамоалари бизга қарши ўйинларда ҳамиша юқори мотивацияга эга бўлишади. Биз жиддий огоҳлантириш олдик, бироқ бундан тушкунликка тушиб қолмаймиз», — дея мутахассиснинг сўзларини келтиради L'Équipe нашри.

Эслатиб ўтамиз, ЖЧ-2026 гуруҳ босқичида Франция терма жамоаси Ироқ, Норвегия ва Сенегал вакиллари билан бир гуруҳдан жой олган.