«Барселона» футболчиси Ламин Ямал Испания чемпионатининг якунланган мавсумидаги энг яхши футболчиси деб топилди. Бу ҳақда Ла Лиганинг расмий саҳифаларида хабар берилди.

18 ёшли испаниялик иқтидор эгаси чемпионлик унвонини ҳимоя қила олган Каталония клубининг энг асосий ва етакчи ўйинчиларидан бирига айланди. Мавсум якунларига кўра, «Барселона» 94 очко жамғариб, турнир жадвалида яна биринчи ўринни эгаллади.

Якунига етган чемпионат баҳсларида Ламин 16 та гол урди ва шерикларига 12 та голли узатмани амалга оширди. Ёш юлдузнинг «Барселона» билан амалдаги шартномаси 2031 йилгача мўлжалланган, унинг трансфер қиймати эса Transfermarkt портали маълумотларига кўра 200 миллион еврони ташкил этади.