Жума куни Transfermarkt портали мутахассислари Испания Ла Лигаси клубларида тўп тепувчи футболчиларнинг трансфер нархларини янгилашди.

Энг кўп нарх йўқотган ўйинчилар рўйхатини «Реал» ярим ҳимоячиси Федерико Вальверде бошқариб турибди. Уругвайлик футболчининг баҳоси бирданига 30 миллион еврога пасайди — 120 миллиондан 90 миллион еврогача.

Иккинчи ўринни Килиан Мбаппе эгаллади — у 20 миллион еврога арзонлашди ва энди дунёнинг энг қиммат футболчилари етакчилигини тарк этди. Ҳозирда Мбаппе 180 миллион еврога баҳоланмоқда.

Учинчи ўринни бир йўла саккиз нафар футболчи бўлишиб олди — уларнинг ҳар бири 10 миллион евродан йўқотган. Булар қаторида Винисиус Жуниор (янги нархи — 140 миллион евро), Жуд Беллингем (130 миллион), Рафинья (70 миллион), Нико Уильямс (40 миллион) ва Френки де Йонг (35 миллион) каби юлдузлар бор.