Ҳужумчи Килиан Мбаппе ўзининг собиқ жамоадошига юқори баҳо берди. Гап ҳужумкор ярим ҳимоячи Бернарду Силва ҳақида кетмоқда.

"Мен "Монако"да кўрган энг иқтидорли футболчи Бернарду Силва эди. Унинг техник маҳорати, майдонни кўра олиш қобилияти ва интеллекти унга доим бошқалардан бир қадам олдинда юриш имконини берарди. Бернарду Силва ажойиб футболчи эди. У "Монако"нинг чемпионлик унвонини қўлга киритишида бош меъмор бўлган", — дея Мбаппенинг сўзларини келтиради The Touchline.

Бернарду Силва "Монако"дан кетганидан кейин "Манчестер Сити" сафида тўққиз мавсум ўтказди. Яқиндагина португалиялик футболчи Англия Премьер-лигаси гранди билан хайрлашди. ОАВдаги миш-мишлар Бернардуни "Барселона"га ўтиши билан фаол равишда боғламоқда.