Италиянинг «Комо» клуби хавбеки Мартин Батурина бир нечта Европа топ-клубларининг қизиқишлар доирасида турибди. Бу ҳақда журналист Жанлука ди Марцио ижтимоий тармоқларда хабар бермоқда.

Манбанинг қайд этишича, футболчига даъвогарлар орасида Англия Премьер-лигаси вакиллари ва Мюнхеннинг «Бавария» клуби бор. АПЛнинг номи ошкор этилмаган икки клуби Батуринанинг трансфери учун 50-55 миллион евро ажратишга тайёр. «Бавария»нинг бу масала бўйича позицияси эса ҳозирча номаълум.

23 ёшли хорватиялик ярим ҳимоячи ўтган йилнинг ёзида Загребнинг «Динамо»сидан кўчиб ўтиб, «Комо» сафини тўлдирган эди. Унинг италияликлар билан шартномаси 2030 йилнинг ўрталаригача мўлжалланган бўлиб, бозор қиймати 30 миллион еврони ташкил этади.