Бирмингемнинг «Астон Вилла» клуби устози Унаи Эмерига Мадриднинг «Реал» клуби бош мураббийлигига тайинланиши мумкинлиги ҳақида савол берилди.
«Ҳозирги вақтда менга ҳақиқатдан ҳам эҳтиёж сезилаётган жой ҳақида ўйлаяпман. Мен «Астон Вилла»га керакман. Сизга ишонган инсонлардан миннатдор бўлишни ва бундай муносабатни қадрлашни билиш лозим», — дея бош мураббийнинг сўзларини Footmercato нашри келтирмоқда.
54 ёшли мутахассис 2022 йилнинг ноябрь ойидан буён «Астон Вилла» бошқарувида бўлиб турибди. Томонлар ўртасидаги амалдаги меҳнат шартномаси 2029 йилнинг июнь ойи охиригача мўлжалланган. Якунланган мавсумда Бирмингем жамоаси Европа Лигасида ғолиб чиқди ва АПЛ турнир жадвалини тўртинчи ўринда якунлади.
