Мадриднинг «Реал» клуби ҳужумчиси Эндрик Бразилия терма жамоаси сафидаги ғалаба голидан сўнг Рафинья Диасга миннатдорчилик билдирди.
«Қаймоқранглилар»нинг ёш футболчиси Миср терма жамоасига қарши ўтказилган ўртоқлик учрашувининг иккинчи бўлими бошида гол урди. Бу вазиятда «Барселона» вингери ассистентлик вазифасини бажарди — у қанотдан ёриб кириб, узатма амалга оширди.
«Сен ажойибсан, биродарим, ассист учун раҳмат», — дея Эндрик Рафиньянинг ижтимоий тармоқлардаги постига изоҳ қолдирди.
19 ёшли ҳужумчи учун ушбу гол Бразилия терма жамоаси сафида охирги икки йил ичидаги биринчиси бўлди. Учрашув Карло Анчелотти шогирдларининг 2:1 ҳисобидаги ғалабаси билан якунланди. Бразилияликлар Жаҳон чемпионатидаги илк ўйинини 14 июнь куни Марокашга қарши ўтказади.
