«Вест Хэм»нинг португалиялик ярим ҳимоячиси Матеуш Фернандеш фаолиятини Мадриднинг «Реал» клубида давом эттириши мумкин. Бу ҳақда Испаниянинг Diario AS газетаси хабар бермоқда.
Манбанинг берган маълумотларига кўра, Фернандеш «Реал»нинг ёзги трансфер ойнаси учун белгиланган нишонлари рўйхатидан жой олган. Бироқ, 21 ёшли хавбекка бошқа кўплаб топ-клублар ҳам қизиқиш билдирмоқда.
«Болғачилар» Англия Премьер-лигасидан тушиб кетганидан сўнг, ўз юлдузини 93 миллион евро эвазига қўйиб юборишлари кутилмоқда.
2025/26 йилги мавсумда Фернандеш барча мусобақаларда жами 42 та учрашувда майдонга тушиб, рақиблар дарвозасини 5 бор ишғол қилди ва 5 та голли узатмага муаллифлик қилди.
