«Барселона»нинг 20 ёшли вингери Руни Барджи Англия Премьер-лигасига кўчиб ўтиши мумкин.

Таниқли журналист Экрем Конурнинг хабар беришича, АПЛнинг бир йўла икки клуби шу ёзда «Барселона»ни тарк этиши кутилаётган Руни атрофидаги вазиятни диққат билан кузатиб бормоқда. Бироқ, «кўк-анорранглилар» ҳозирча футболчини ижарага бериш ёки тўлиқ сотиб юбориш борасида бир қарорга келишгани йўқ.

Айни дамда Рунининг хизматларига «Астон Вилла» ва «Лидс» клублари қизиқиш билдирмоқда. «Барселона» швециялик иқтидорни ўтган ёзда «Копенгаген»дан сотиб олган эди. Каталония клуби либосида вингер барча мусобақаларда 28 та учрашувда майдонга тушиб, 2 та гол урди ва 4 та голли узатмани амалга оширди.

Transfermarkt маълумотларига кўра, Руни Барджининг бозор қиймати 15 миллион еврони ташкил қилади.