«Манчестер Сити»нинг собиқ бош мураббийи Хосеп Гвардиола «Барселона» устози Ханс-Дитер Фликни мақтаб ўтди.
«Мен Ханси Фликнинг ашаддий мухлисиман. Бу жамоанинг ўйинларини кузатиш жуда мароқли», — дея Гвардиоланинг сўзларини келтирмоқда El Chiringuito TV ижтимоий тармоқлардаги саҳифасида.
Ханс-Дитер Флик «Барселона» рулида икки мавсумни ўтказди. Бу вақт ичида каталонияликлар ички аренада икки йилда ўйналган олтита турнирнинг бештасида ғолиб чиқишди. Чемпионлар Лигасига тўхталадиган бўлсак, Флик қўл остида «кўк-анорранглилар» ярим финал (2025) ва чорак финалгача (2026) етиб боришди.
Яқиндагина Ханс-Дитер Флик «Барселона» билан шартномасини 2028 йилнинг ўрталарига қадар узайтирди. Унда шартномани яна бир мавсумга узайтириш банди ҳам мавжуд.
