АҚШнинг Остин шаҳрида Саудия Арабистони ва Пуэрто-Рико терма жамоалари ўртасида бўлиб ўтган ўртоқлик учрашуви стадион ҳудудида кузатилган кучли момақалдироқ ва чақмоқ туфайли деярли икки соатга тўхтатиб қўйилди.

Ушбу ҳолат келгуси ҳафтада старт оладиган Жаҳон чемпионати ташкилотчилари ва мухлисларда жиддий хавотир уйғотмоқда. Мутахассисларнинг фикрича, турнир давомида кузатилиши мумкин бўлган ноқулай об-ҳаво шароити туфайли кўплаб ўйинларни тўхтатишга ёки қолдиришга тўғри келиши эҳтимоли юқори.

Маълумот учун, АҚШ, Канада ва Мексика мезбонлик қиладиган ЖЧ-2026 учрашувларининг бир қисми айнан ёзги об-ҳаво инжиқликлари ва кучли циклонлар кузатиладиган ҳудудларда бўлиб ўтиши режалаштирилган.