«Интер» спорт директори лавозимида фаолият юритаётган Пьеро Аузилио Дензел Дюмфриснинг Милан клубини тарк этиши борасида фикр билдирди. Аввалроқ матбуотда нидерландиялик ҳимоячи Мадриднинг «Реал» клуби билан шартнома имзолагани ҳақида хабарлар тарқалган эди.

«Дюмфрис «Реал»га ўтди. Унга энг эзгу тилакларимни тилаб қоламан: у шу йиллар давомида «Интер» учун борлиғини берганини яхши биламан. Унинг қалби «нерадзурри» ва ким билади дейсиз, балки кун келиб йўлларимиз яна кесишар», — дея функционернинг сўзларидан иқтибос келтиради журналист Николо Скира.

Дюмфрис Италия клубига 2021 йилда ПСВдан кўчиб ўтган эди. 30 ёшли ҳимоячи «Интер» либосида жами 207 та учрашув ўтказиб, 27 та гол урди ва 28 та голли узатмани амалга оширди.