Мадриднинг «Реал» клуби президенти сайловида ғалаба қозонган 79 ёшли функционер Флорентино Перес мухлислар ва жамоага мурожаат қилди.

«Биз ғалаба қозондик. Мен бу ердаман, “Реал Мадрид" манфаатларини ҳимоя қилиш учун. Биз — бир оиламиз. Биз биргаликда совринлар ютишда давом этамиз. Чемпионлар лигасидаги 16-соврин учун кураш бугундан бошланади», — деди Перес.

Унинг сўзларини журналист ва инсайдер Фабрицио Романо X ижтимоий тармоғида келтирган.

Эслатиб ўтамиз, Перес сайловда испаниялик тадбиркор Энрике Рикельмени ортда қолдириб, «Реал» президенти лавозимига қайта сайланди. У клубни 2030 йилгача бошқаради ва бу унинг мазкур вазифадаги кетма-кет саккизинчи муддати бўлади.

Якунланган Испания чемпионати мавсумида «Реал» иккинчи ўринни эгаллади ва мавсумни совринсиз тугатди.