Англия терма жамоасининг Канзас-Ситидаги (Миссури штати, АҚШ) спорт базаси ва меҳмонхонаси яқинида содир бўлган отишма натижасида камида 12 киши жароҳатланди, деб хабар бермоқда «The New York Times» газетаси.
«Полиция ходимлари ўқ овозини эшитгандан сўнг зудлик билан воқеа жойига жўнатилди», — деди Канзас-Сити полицияси вакили Жей Бекчина.
Отишма оқибатида уч нафар аёл касалхонага ётқизилган, яна тўққиз киши тиббий ёрдам сўраб мустақил равишда мурожаат қилган. Ҳозирги вақтда ҳеч ким қўлга олинмаган, полиция воқеа содир бўлган ҳудудда патруллик назоратини давом эттирмоқда.
Англия терма жамоаси футболчилари ва ходимлари айни пайтда Палм-Бичда (Флорида штати) бўлиб туришибди ва у ерда ЖЧ-2026 га тайёргарликнинг якуний босқичини ўташмоқда. Англия гуруҳ босқичида Хорватия, Гана ва Панама терма жамоаларига қарши майдонга тушади.
