«Ал-Ҳилол» ҳужумчиси Дарвин Нуньес яқин орада яна клубини ўзгартиради. Уругвайлик футболчи Карим Бензема жамоага келганидан сўнг Саудия клуби асосий таркибидаги жойини йўқотди.

Журналист Габриэль Санснинг берган маълумотларига кўра, 26 ёшли форвард «Ал-Ҳилол» билан шартномани бекор қилиш борасида принципиал келишувга эришган — у тез орада эркин агент мақомига эга бўлади. Шунингдек, футболчи ўтган йилнинг август ойида тарк этган собиқ жамоаси «Ливерпуль»га қайтишдан мамнун бўлиши қайд этилган.

Эслатиб ўтамиз, «Ал-Ҳилол» Дарвин Нуньесни мерсисайдликлардан 53 миллион евро эвазига сотиб олган эди. Ҳужумчи Ар-Риёд жамоаси сафида 24 та учрашувда майдонга тушиб, 9 та гол урди ва 5 та голли узатмани амалга оширди.