«Монако» клуби ҳужумчиси Радамель Фалькао ҳамон «Реал» клуби қизиқишлари доирасида турибди. Бу ҳақда «Mundo Deportivo» нашри хабар тарқатди.
Манбанинг маълум қилишича, 2014 йилнинг январида мадридликлар 27 ёшли колумбиялик футболчини сотиб олишга уриниб кўришади. Ҳозирча Флорентино Переснинг шахсан ўзи қизиқаётган футболчига таклиф қилиниши мумкин бўлган сумма 35-40 миллион еврони ташкил қилиши кутилмоқда.
«Реал» уни ёздаёқ сотиб олиши мумкин бўлганди. Бироқ маълумотларга кўра, унинг «Атлетико» билан шартномасида «Реал»га тўғридан-тўғри ўтишни чеклаш шарти бўлган. Эслатиб ўтамиз, «Монако» Фалькао учун 60 миллион евро тўлаганди.