Португалия терма жамоаси ҳужумчиси Рафаэль Леау яқиндаги четлатиш (қизил карточка) сабабли Жаҳон чемпионати ўйинларини ўтказиб юбориши кутилмаяпти.
«Милан» футболчиси Чили терма жамоасига қарши ўртоқлик учрашувида тўғридан-тўғри қизил карточка олган эди: 26 ёшли форвард чилилик Иван Роман билан жанжаллашиб кетган ва рақиби ҳам майдондан четлатилган эди. Леау рақибининг юзига ургани боис у узоқ муддатли дисквалификацияга учраши мумкин эди, бироқ, вазиятга қараганда, португалиялик футболчи ФИФА томонидан бериладиган қаттиқ жазодан қутилиб қолади.
«O Jogo» нашрининг хабар беришича, барча маълумотлар Леаунинг фақатгина битта ўйинга дисквалификация қилинишини кўрсатмоқда. Шу тариқа, Рафаэль Нигерияга қарши кечадиган ўртоқлик учрашувини ўтказиб юборади, аммо 17 июнь куни бўлиб ўтадиган Жаҳон чемпионати гуруҳ босқичи 1-тури доирасидаги ДР Конгога қарши баҳсда ўз жамоасига ёрдам бера олади.
