Франция терма жамоаси ҳужумчиси Килиан Мбаппе бўлажак Жаҳон чемпионатида ким тўпурлар пойгасида ғолиб чиқиши ҳақидаги саволга жавоб берди. Мадриднинг «Реал» клуби ҳужумчиси тақдим этилган икки футболчидан қайси бири ЖЧ-2026 мусобақасида кўпроқ гол уришини танлаши керак эди.
«The Touchline» нашрининг хабар беришича, франциялик юлдуз ўз жамоадоши Винисиус Жуниорни Эрлинг Холанд, Ламин Ямал ва Харри Кейн каби бир қатор юлдузлардан устун қўйди. Бироқ Лионель Месси билан таққосланганда, унинг фикрича, аргентиналик футболчи бразилияликка қараганда кўпроқ гол уради.
Месси ва Криштиану Роналду ўртасида эса «қаймоқранглилар»нинг 27 ёшли юлдузи португалиялик ҳужумчини танлади. Якунда, ўзи ва Роналду ўртасида танлов қилиш сўралганда, Килиан ўз номини тилга олди.
Эслатиб ўтамиз, айнан Мбаппе ўтган Жаҳон чемпионатининг энг яхши тўпурари бўлган эди — ўшанда у 8 та гол уришга муваффақ бўлган, улардан учтасини финал учрашувида рақиб дарвозасига жойлаганди.
