Жозе Моуринью Мадриднинг «Реал» клубига қайтишга тайёргарлик кўрмоқда. 63 ёшли мутахассис «Бенфика»ни тарк этмоқда — яқин кунларда у расман «қаймоқранглилар» бош мураббийи сифатида таништирилади.
«Diario AS» нашри берган маълумотларга кўра, Моуриньюнинг олдига қўйган шахсий мақсади бор — у «Реал» билан Чемпионлар лигасида ғолиб чиқмоқчи. Португалиялик мураббий учун бу клубдаги биринчи фаолияти давридан қолган «якунига етмаган иш» ҳисобланади.
Эслатиб ўтамиз, «The Special One» 2010 йилдан 2013 йилгача мадридликларни бошқарган ва унинг қўл остида жамоа энг нуфузли еврокубокнинг ярим финалида уч бор мағлубиятга учраб, мусобақани тарк этганди. Ортда қолган мавсумда «Реал» ҳеч бир совринга эга чиқа олмади. Мадрид клубининг Чемпионлар лигасидаги ҳозирча сўнгги ғалабаси 2024 йилда Карло Анчелотти қўл остида қўлга киритилган эди.
