Аргентина терма жамоаси ҳужумчиси Хулиан Альварес Жаҳон чемпионати бошланишидан аввал сафга қайтишга улгуради. Мадриднинг «Атлетико» клуби футболчиси олган жароҳати сабабли май ойининг бошидан бери майдонга тушмаётган эди.

Журналист Гастон Эдулнинг хабар беришича, 26 ёшли форвард Жаҳон чемпионати гуруҳ босқичи 1-туридан ўрин олган Жазоирга қарши ўйинга қадар тўлиқ соғайиб улгуради. Мазкур баҳс 17 июнь куни бўлиб ўтади.

Мундиал стартидан аввал «альбиселесте» (оқ-кўклар) яна битта ўртоқлик учрашуви ўтказиши керак — улар 10 июнь куни Исландияга қарши майдонга тушишади. Хулиан Альварес Аргентина терма жамоаси сафида умумий ҳисобда 51 та ўйин ўтказиб, 14 та гол ва 4 та голли узатмани ўз ҳисобига ёздириб қўйган.