«Барселона» клуби марказий ҳимоячиси Рональд Араухо Жаҳон чемпионати бошланиши олдидан Уругвай терма жамоаси ихтиёрида жароҳат олди. 27 ёшли футболчи мушакларидаги енгил ноқулайликдан азият чекмоқда, деб хабар беради «Mundo Deportivo» нашри.

Кутилишича, уругвайлик ҳимоячи клуб тиббий ходимларидан муолажа олиш учун қисқа вақтга Барселонага қайтади. Эртага, яъни сешанба куниёқ футболчи Уругвай терма жамоаси қароргоҳига қайтиши керак.

Рональд Араухонинг Жаҳон чемпионати гуруҳ босқичи 1-туридан ўрин олган Саудия Арабистонига қарши учрашувдаги иштироки сўроқ остида қолмоқда. Ушбу баҳс 16 июнь куни бўлиб ўтади. Гуруҳ босқичининг кейинги ўйинларида уругвайликлар Кабо-Верде ва Испания терма жамоаларига қарши майдонга тушишади.