«Лестер» вингери Джереми Монга Лондоннинг «Арсенал» клубига ўтишга жуда яқин турибди. «Канонирлар» 16 ёшли футболчи билан шартнома шартлари бўйича келишувга эришдилар, деб хабар бермоқда журналист Николо Скира.

Эндиликда Лондон гранди трансфернинг қолган тафсилотларини «Лестер» клуби билан ҳал қилиши керак — ҳозирда музокаралар давом этмоқда.

Джереми Монга ортда қолган Чемпионшип мавсумида «тулкилар» сафида 27 та ўйинда майдонга тушиб, 1 та гол урди ва 2 та голли узатмани амалга оширди. Бироқ жамоа кучлилиги жиҳатидан иккинчи дивизионда ўз ўрнини сақлаб қола олмади (қуйи лигага тушиб кетди).

Инглиз вундеркиндининг трансфер қиймати «Transfermarkt» портали томонидан 15 миллион еврога баҳоланмоқда.