Каталониянинг «Барселона» клуби ярим ҳимоячи Дани Ольмонинг келажаги борасидаги кейинги режаларини белгилаб олди.

Журналист Луис Рохога маълум бўлишича, «кўк-анорранглилар» шу ёзда испаниялик футболчи билан хайрлашиш ниятида эмаслар. Бундан ташқари, клуб раҳбарияти футболчи билан яхшиланган молиявий шартлар асосида янги меҳнат шартномасини имзолашни режалаштирмоқда. Агар Ольмо кейинги мавсумда маълум миқдордаги учрашувларда майдонга тушса, унинг маоши оширилади.

Ортда қолган Испания чемпионати мавсумида 28 ёшли ярим ҳимоячи «Барселона» сафида 33 та ўйинда иштирок этди. Ольмо ўз ҳисобига 7 та гол ва 8 та голли узатмани ёздириб қўйишга муваффақ бўлди.