Якшанба куни Мадриднинг «Реал» клубида президентлик сайловлари бўлиб ўтди. Унда Флорентино Перес 65 фоиз, Энрике Рикельме эса 35 фоиз овоз тўплади. Натижалар эълон қилинганидан сўнг, ғолиб раҳбар ўз рақиби ҳақида нима деб ўйлашини маълум қилди.
«Рикельме муносиб рақиб бўла олдими? Бирор нарса деёлмайман, чунки мен унинг кимлигини ҳам билмайман», — дея Переснинг сўзларини келтирмоқда Испания ОАВлари.
Флорентино Перес 2030 йилга қадар «Реал» президенти лавозимида қолади. У ушбу лавозимни 2009 йилдан буён эгаллаб келмоқда.
Сайловолди кампанияси даврида Рикельме Эрлинг Холанд билан келишувга эришгани ва жамоага Юрген Клоппни бош мураббий этиб тайинлаши мумкинлиги ҳақида баёнот берган эди. Бироқ футболчи ва мураббийнинг вакиллари Мадрид гранди билан ҳеч қандай алоқа йўқлигини тезда инкор этиб чиқишганди.
