«Борнмут» клуби ярим ҳимоячиси Алекс Скотт фаолиятини «Ливерпуль»да давом эттириши мумкин, деб хабар бермоқда «The Sun» нашри.
Манбанинг берган маълумотларига кўра, 22 ёшли инглиз футболчисининг трансферини «Ливерпуль»нинг янги бош мураббийи, аввалроқ «Борнмут»ни бошқарган Андони Ираола шахсан талаб қилмоқда.
Скотт 2023 йилдан буён «Борнмут» шарафини ҳимоя қилиб келади. Ортда қолган мавсумда у барча турнирларда 39 та ўйинда майдонга тушиб, 4 та гол урди ва 1 та голли узатмани амалга оширди. «Transfermarkt» портали хавбекнинг бозор қийматини 50 миллион еврога баҳоламоқда.
