Мексикалик ҳужумчи Сантьяго Хименес клубни ўзгартириши мумкин, бироқ у Италия чемпионатини тарк этмайди. «Милан» аъзосига Римнинг «Лацио» клуби қизиқиш билдирмоқда, аммо трансфер борасида футболчининг нархи асосий муаммога айланиши мумкин.
«Милан» кутилган ўйинни кўрсата олмаган ҳужумчиси учун камида 20 миллион евро ишлаб олмоқчи. Бироқ «Лацио» бунча маблағ сарфлашга қодирми ёки йўқ — бу катта сўроқ остида. Рим клуби анчадан бери молиявий жиҳатдан қийин даврларни бошдан кечирмоқда.
Pianetamilan.it нашрининг аниқлик киритишича, Хименеснинг ўзи ҳозирда 2,5 миллион евро маош олмоқда ва пойтахт клубида ҳам шунга ўхшаш маошга эга бўлишни истайди.
Якунланган мавсумда «Милан» А Серия турнир жадвалида бешинчи, «Лацио» эса саккизинчи ўринни эгаллади.
