Италиялик мутахассис Фабио Гроссо «Фиорентина» клуби бош мураббийи этиб тайинланди. Бу ҳақдаги расмий маълумот А Серия вакилининг расмий сайтида эълон қилинди.
48 ёшли мураббийнинг «бинафшаранглилар» билан тузган меҳнат шартномаси 2028 йилнинг ёзига қадар мўлжалланган.
Гроссо 2024 йилдан бери «Сассуоло» клубини бошқариб келаётган эди. Бунгача у Франциянинг «Лион», Италиянинг «Фрозиноне», «Брешия», «Верона», «Бари» клубларида ҳамда «Ювентус»нинг ёшлар жамоасида бош мураббий сифатида фаолият юритган.
Якунланган А Серия мавсумида «Фиорентина» Паоло Ваноли қўл остида турнир жадвалида 15-ўринни эгаллаб, қуйи лигага тушиб кетишдан қутулиб қолган эди.
