«Манчестер Юнайтед» таркибни кучайтириш устида иш олиб бормоқда. «Қизил иблислар»нинг трансфер мақсади — «Тоттенхэм» сардори, марказий ҳимоячи Кристиан Ромеро.
Журналист Гастон Эдулнинг ижтимоий тармоқларда хабар беришича, «Манчестер Юнайтед» 28 ёшли Ромеронинг трансфери бўйича таклиф тайёрламоқда. Нуфузли Transfermarkt портали мутахассислари Кристиан Ромерони 45 миллион еврога баҳолашмоқда.
Айни пайтда ҳимоячи Аргентина терма жамоаси ихтиёрида бўлиб, жаҳон чемпионатига тайёргарлик кўрмоқда. «Манчестер Юнайтед» эса келаси мавсумда Англия номидан Чемпионлар лигасида иштирок этади.
